नंदुरबार पोलिसांकडून नागरिकांसाठी कायमस्वरूपी संपर्क क्रमांकाची सोय; वरिष्ठ अधिकाऱ्यांसह पोलीस ठाणे प्रभारींचे मोबाईल नंबर जाहीर.
नंदुरबार पोलिसांकडून नागरिकांसाठी कायमस्वरूपी संपर्क क्रमांकाची सोय; वरिष्ठ अधिकाऱ्यांसह पोलीस ठाणे प्रभारींचे मोबाईल नंबर जाहीर.
नंदुरबार जिल्हा पोलीस दलाने नागरिकांशी संपर्क सुलभ व्हावा आणि आपत्कालीन परिस्थितीत त्वरित मदत मिळावी यासाठी एक महत्त्वाचे पाऊल उचलले आहे. जिल्ह्याचे पोलीस अधीक्षक कार्यालयाने जिल्ह्यातील वरिष्ठ पोलीस अधिकारी आणि सर्व पोलीस ठाणे तसेच शाखा प्रभारी अधिकाऱ्यांसाठी कायमस्वरूपी अधिकृत मोबाईल क्रमांकांची सुरुवात केली आहे. या उपक्रमामुळे आता अधिकारी बदलले तरी नागरिकांना त्याच क्रमांकावर संपर्क साधता येणार आहे.
यापूर्वी पोलीस अधिकाऱ्यांच्या वैयक्तिक मोबाईल क्रमांकांमुळे बदली झाल्यास संपर्क तुटत होता, ज्यामुळे नागरिकांची गैरसोय होत होती. ही अडचण दूर करण्यासाठी आता अधिकृत मोबाईल क्रमांक त्या पदासोबत जोडण्यात आले आहेत. त्यामुळे आता कोणताही नागरिक सहजपणे आणि कोणत्याही अडथळ्याशिवाय पोलिसांशी संपर्क साधू शकणार आहे.
या उपक्रमाबद्दल बोलताना नंदुरबारचे पोलीस अधीक्षक म्हणाले, “नागरिकाभिमुख, पारदर्शक आणि उत्तरदायी पोलिसिंगच्या दिशेने हा एक महत्त्वपूर्ण टप्पा आहे. या मोबाईल क्रमांकामुळे नागरिकांना तात्काळ मदत मिळेल आणि आपत्कालीन परिस्थितीत पोलीस दलाकडून अधिक कार्यक्षम प्रतिसाद मिळेल.”
हे अधिकृत मोबाईल क्रमांक लवकरच जिल्हा पोलिसांच्या अधिकृत संकेतस्थळावर आणि इतर सार्वजनिक माध्यमांवर प्रसिद्ध केले जाणार आहेत. यामुळे केवळ संपर्क सुलभ होणार नाही, तर मोबाईलद्वारे होणारे अधिकृत संवाद, माहितीची देवाण-घेवाण आणि नागरिकांशी होणारे व्यवहार आता संस्थात्मक स्वरूपात सुरक्षित राहतील.
नंदुरबार जिल्हा पोलीस दल नागरिकांच्या सुरक्षिततेसाठी आणि तंत्रज्ञानाचा वापर करून अधिक पारदर्शक सेवा देण्यासाठी नेहमीच प्रयत्नशील आहे.
वरिष्ठ पोलीस अधिकारी आणि पोलीस ठाणे प्रभारी अधिकाऱ्यांचे अधिकृत मोबाईल क्रमांक खालीलप्रमाणे:
|
| 1 | पोलीस अधीक्षक, नंदुरबार | 9028954501 |
| 2 | अपर पोलीस अधीक्षक, नंदुरबार | 9028954502 |
| 3 | उपविभागीय पोलीस अधिकारी नंदुरबार उप विभाग | 9028954503 |
| 4 | उपविभागीय पोलीस अधिकारी शहादा उप विभाग | 9028954504 |
| 5 | उपविभागीय पोलीस अधिकारी अक्कलकुवा उप विभाग | 9028954505 |
| 6 | पोलीस उप अधीक्षक (मुख्यालय), नंदुरबार | 9028954506 |
| 7 | प्रभारी अधिकारी, स्थानिक गुन्हे शाखा, नंदुरबार | 9028954508 |
| 8 | जिल्हा पोलीस नियंत्रण कक्ष, नंदुरबार | 9028954510 |
| 9 | प्रभारी अधिकारी, नंदुरबार शहर पोलीस ठाणे | 9028954512 |
| 10 | प्रभारी अधिकारी, नंदुरबार तालुका पोलीस ठाणे | 9028954513 |
| 11 | प्रभारी अधिकारी, उपनगर पोलीस ठाणे | 9028954514 |
| 12 | प्रभारी अधिकारी, नवापूर पोलीस ठाणे | 9028954516 |
| 13 | प्रभारी अधिकारी, विसरवाडी पोलीस ठाणे | 9028954517 |
| 14 | प्रभारी अधिकारी, शहादा पोलीस ठाणे | 9028954518 |
| 15 | प्रभारी अधिकारी, सारंगखेडा पोलीस ठाणे | 9028954519 |
| 16 | प्रभारी अधिकारी, धडगांव पोलीस ठाणे | 9028954520 |
| 17 | प्रभारी अधिकारी, म्हसावद पोलीस ठाणे | 9028954521 |
| 18 | प्रभारी अधिकारी, अक्कलकुवा पोलीस ठाणे | 9028954523 |
| 19 | प्रभारी अधिकारी, मोलगी पोलीस ठाणे | 9028954524 |
| 20 | प्रभारी अधिकारी, तळोदा पोलीस ठाणे | 9028954525 |
| 21 | प्रभारी अधिकारी, शहर वाहतूक शाखा, नंदुरबार | 9028954526 |
| 22 | प्रभारी अधिकारी, जिल्हा विशेष शाखा, नंदुरबार | 9028954527 |
| 23 | राखीव पोलीस निरीक्षक, पोलीस मुख्यालय, नंदुरबार | 9028954529 |
| 24 | प्रभारी अधिकारी, महिला सेल, नंदुरबार | 9028954530 |
| 25 | प्रभारी अधिकारी, सायबर सेल, नंदुरबार | 9028954535 |
